2014(e)ko abendua 16, asteartea

EUSKARAK 365 EGUN - MOSAIKO ERRALDOIA

Abenduaren 3an institutuko ikasle guztiak mosaiko erraldoi bat eratu zuten Euskararen Eguna ospatzeko. Honako bideo honetan mosaikoaren eraketa prozesu guztia ikusi ahal dozue.



2014(e)ko abendua 15, astelehena

Barakaldo.../Barakaldo...ayer



Abenduaren 11 eta 12an 4DBko ikasleek Barakaldo…ayer/ Barakaldo…atzo ekimenean parte hartu dugu. Egun bi hauetan Roberto Loizaga Meategiko Ingeniari oihiaren bisita izan dugu. Hitzaldietan Barakaldoren iraganari buruz hitz egin digu, meategiez eta siderurgiaz konkretuki. 

Oso datu eta bizipen interesgarriak kontatu dizkigu eta gure herriaren azken mende eta erdiko garapena eta aldaketa ezagutu ahal izan dugu: espazioak, ohiturak, bizi baldintzak, elementu arkitektonikoak…

Barakaldo…atzo  proiektuaren bidez, Hartu-Emanak (http://www.hartuemanak.org/) Nagusien etengabeko ikaskuntzarako eta partaidetza sozialerako elkarteko kideek belaunaldien arteko lankidetza bultzatzen dute. Ekimenean Barakaldoko beste institutuek ere parte hartu dute, eta EHUn ere izan dira Hartu-Emanakeko hizlariak.

Hitzaldia Ciceron filosofoaren aipu batekin hasi zuen “Bere historia ezagutzen ez duenak, ez da inoiz haurtzarotik aterako”

Bukaeran, berriz, gomendio bat egin zigun: gaur egungo Barakaldo ondo ezagutu behar dugu, hemendik 40 urtera nerabe izango direnei nolakoa den kontatzeko. 







2014(e)ko abendua 10, asteazkena

IRAKURBENTURA, aurten berriro

Iazko esperientziari jarraituz, aurten ere Irakurbentura Proiektua abian jarri dugu.
Gaur lehenengo topaketa  izan dugu. Hainbat astetan prestatutako jarduerak aurrera aurrera eraman ditugu bost urteko ikasleekin batera. Ekoiztu dituzten bolak gure institutoko horma irudiak apaintzeko erabiliko ditugu. Elkarrekin lanean egon gara, eta elkarrengandik ikasi dugu. 
Arteagabeitia ikastetxekoei mila esker zuen harreragatik!


2014(e)ko abendua 9, asteartea

Euskararen eguna-Zaharrak Berri

Euskararen Eguna ospatzeko egindako ekintzetako bat aurrean duzuen hau izan da.

4D1 taldekoek ipuin tradizionalak moldatu dituzte.

Denok txikitatik ezagutzen ditugun ipuin unibertsalak aldatu eta istorioaren funtsa mantendurik ere, ikuspuntu berria eskaintzen digute. ISTORIO ZAHAR-BERRI HAUEK IRAKURTZEKO GOGORIK BAI???

Aladino, Txanogorritxo, Ederra eta Piztia, Hansel eta Gretel, Ahatetxo Itsusia, Alice Lurralde Miresgarrian eta Hiru Txerritxoak. 

BERTSIO BERRIAK!!!

BERTSO SAIOA

Abenduaren 3an Euskararen Eguna ospatu genuen institutuan. Hori dela eta, 4. mailako ikasleek bertso saioa prestatu zuten Euskara ikasgaian, eta areto nagusian guztion aurrean bertsotan aritu ziren. Honako bideo honetan emanaldiaren zati bat ikusi dezakezue:






2014(e)ko abendua 8, astelehena

BISITARIA - KIMETZ ARANA

Abenduaren 4an Kimetz Arana, Trapagarango artzaina eta nekazaria , DBH 3. mailako ikasleekin egon zen  gure institutuan. Hitzaldia Euskararen Eguna ospatzeko egin diren ekimenetako bat izan da.

Hona hemen ikasleok egin zioten aurkezpena:




2014(e)ko abendua 5, ostirala

MATEABENTURA, lehenengo topaketa

MATEABENTURA izeneko esperientziari pasa den euskeraren egunean hasiera eman diogu.
DBH 3. mailako ikasleek El Pilar ikastetxeko LH 2. mailako ikasleekin bi eskola jarduera garatu dituzte, gaitasun logiko-matematikoa  trebatzeko asmoz.

2014(e)ko abendua 3, asteazkena

EUSKARAREN EGUNA - IKASLEAK EGINIKO SKETCH-ak



Abenduaren 3an Euskararen Eguna ospatzen da, eta 4D2ko ikasleok Sketch  batzuk prestatu ditugu egun hori ospatzeko. Azkenengo hilabetean, eta Heziketa Fisikoa ikasgaia barruan, gorputz adierazmenako unitate didaktikoa garatzen egon gara. Amaierako Sketch hauek lan guztiaren amaiera dira. Zuon gustokoak izatea espero dugu!!






2014(e)ko azaroa 21, ostirala

ZUZENA ALA OKERRA

Lipdub honen helburua berdintasuna adieraztea izan da; gizarte honen emakumea  kaltetutako egoeran dago eta hori amaitu behar da.  Baina egoera horiek ez dira berez amaituko; guztiok batera aldatu eta aldarriaktuko behar ditugu.
Berdintasuna adierazteaz gain, kalse modura eta lagun modura elikatu gara guztiok ,nahiz neskak nahiz mutilak . Dibertigarria izan da oso.


2014(e)ko azaroa 20, osteguna

ALDERANTZIZ


Bideo hau 4D1eko ikasleok egin dugu "Beldur barik" kanpainarako.
Bideo honekin  erakutsi nahi dugu errealitate bat; lehenengoz ahozko erasoa, gero eraso fisikoa eta azkenean erahiltzea. Jendea kotzientziatu nahi dugu  halako jokabideek zer ondorio ekar ditzaketela, gizonezkoek zein emakumezkoek egintea.

Hau guztia egin dugun biteartean ondo baino hobeto pasatu dugu, eta zuek be ondo pasatzea espero dugu!




2014(e)ko azaroa 12, asteazkena

Irakurbentura esperientzia aurkezten

Azaroaren 12an Barakaldoko Berritzeguneko XXVIII. Jardunaldi Pegagogikoetan aurreko ikasturtean garatutako Irakurbentura proiektua aurkeztu dugu. Jardunaldi hauetako gaia aniztasunaren tratamendua zenez, DBHko etapan sortzen diren egoerak eta zailtasunak azaldu ditugu eta, honekin batera, komentatu dugu zerrtan oinarritu dugun egindako lana eta nolako lorpenak izan ditugun. 


2014(e)ko urria 21, asteartea

Gasteiz hiriko ondare historiko kulturalak

Gaur Batxilergoko  ikasleek goiza eman dute Gasteiz hiria ezagutzen.
Antzinako Erromatik atera bezain pronto, Erdi Aroan ibiltzeari ekin diogu. Kalean gora, kalean behera, kolore askotako fatxadei begira, mendeak pasa dira. Bukatzeko 2014 World Press Photo erakusketak mundurako leiho hunkigarria ireki digu.


"BIDEOKONFERENTZIAK ESKOLAN" IKASTAROA


2014-2015 ikasturteko formazio ikastaroekin jarraituz, oraingoan irakasleok "Bideokonferentziak eskolan" ikastaroarekin hasi gara. Dagoeneko, eskolatan metodologia berriak sartu dira,eta ikasle askok haien ordenagailuak dituzte. Kuadernoaz aparte bestelako tresnak erabiltzen dira, baina tresna berri horiek erabiltzeko irakasle trebatuak behar dira. Ikastaro honekin trebakuntza horretan murgilduko gara, irakasleei bestelako ariketa batzuk eskeintzeko aukera emango zaizkielako.
Ikastaro honetan bideokonferentzia erabiltzen ikasi, eta gelan sartzeko estrategiak landuko ditugu. Gainera, materialak lortzeko baliabideak aztertuko dira, egin daitezkeen ariketa mota zehatzak landuz.

Mondragon Lingua Enpresak kudeatzen du 10 orduko ikastaroa hau, eta urrian eta azaroan zehar izango dira saio ezberdinak.



2014(e)ko urria 13, astelehena

AUXIBAN EGONALDIA EDERRA

LAU EGUN ZORAGARRI, AUBIXAN!!!

Elgoibarren oso ondo pasatu genuen 28-ok (27 ikasle, irakasle, monitore eta talde bera) kirol eta jolas desberdinak egiten. Joku horiei esker, dibertitzeaz aparte, asko ikasi genuen.
Monitoreekin oso gustura egon gara, batez ere Amaiarekin, bere energiak guztiok mugitzen gintuelako.


Monitoreei eskerrak eman nahi dizkiegu, gurekin lan handia egin dutelako. Etxeak, nahiz eta zaharra eman eta zaratatsua izan, oso paisaia politak zituen inguruan eta barruan, oso giro lasaia eta maitagarria eskeintzen zigun.
                                    
 Iraitz, Janire , Kepa eta Eneko Amor (2D2)


AUBIXA tik ZERURA

Ikasturte hasieran, 2D2 ko ikasleak Elgoibarreko Aubixa barnetegira joan gara. Lau egun igaro ditugu han, irailaren 22tik-25era.
Elgoibarrera joan gara euskera bultzatu, ondo pasatu eta gure arteko harremanak hobetzeko nahian.
Han mota askotako ekintzak eta jokuak zeuzkaten prestatuta eta guztiok guztietan parte hartu dugu. Lau egunetan zehar taldeko giroa asko hobetu da, elkar hobeto ezagutu dugulako.

Aubixan monitore bikainak topatu ditugu. Asko lagundu eta zaindu gaituzte, haiek eta etxeko langileek ere bai.
Baserria oso handia zen. Goiko aldean bazegoen izugarrizko logela eta han guztiok elkarrekin egin dugu lo. Lehenengo solairuan bazeuden  monitoreen bulegoak, komunak, egongela eta zapatilen gela. Behealdean sukaldea eta jangela zeuden.
Hara joatean helburu batzuk geneuzkan, gehienak bete ditugu, batez ere ondo pasatzearena.                                                    
  Fatima, Iker, Iraia eta Aris  


AUXIBAN ELKAR EZAGUTZEN

GUZTIOK Elgoibarren

2. D taldeko 25ak astelehenean (irailak 22) autobusean sartu ginen, lau egun Aubixan pasatzeko prest. Oso urduri geunden eta guztiok hitz egiteari ez genion uzten. Azkenean, Aubixara ailegatu ginen, ordubete bat autobusean pasa ondoren.


Etxe barruan argazki batzuk atera zizkiguten eta monitoreek etxeko arauak azaldu zizkiguten. Geroago jolasak egiten eta monitoreak ezagutzen hasi ginen.
Monitoreak oso jatorrak izan ziren gurekin eta haien seme-alabak izango bagina bezala tratatu gintuzten.


Nahiz eta aste horretan eguraldi oso ona ez egin, oso ondo pasatu genuen denetarik egiten: jolasak, futbola, futbolina, pinpona, abalorioak, txangoak, dantza, mendia..., elkar hobeto ezagutzeko ekintzak, taldeka lan egin...Nahiz eta joku eta ekintza batzuk gogorik gabe hartu, azkenean guzti-guztiak dibertigarriak izan dira.
Oso esperientzia ona izan da eta askoz hobeto elkar ezagutzen dugu orain. Benetan dibertigarria eta polita.   Mila esker!!

Ana, Gabriel, Gorka eta Jone.      2014-10-01          2D2


AUBIXAN? PRIMERAN!
Iritsi ginenean ez genekien zer egingo genuen, baina monitoreen aurpegiek berehala erakutsi ziguten ondo pasatuko genuela,eta horrela gertatu zen.
Asko ikasi dugu,batez ere, taldean lan egiten dugunean, guztia errazago suertatzen dela.
Monitoreek oso ondo antolatu dituzte jokuak,erronkak,ariketak etabar.

Gure euskara hobetu dugu, gehiago erabiltzen. Aubixan sentimendu asko atera ditugu.
Erronkak oso interesgarriak izan dira eta taldean lan egiten ikasi dugu.
Jokuetan guztiok ondo pasatu dugu, baita Teresak ere.

RUBEN, MARINA,JON ANDER eta  HELENA     2014/10/08

2014(e)ko iraila 12, ostirala

Irakasleentzako formazio ikastaroa

2014-2015 Ikasturteko lehenengo aste honetan institutuko irakasle talde batek  ikastaro berri bati hasiera eman dio Iñaki Eizmendirekin: euskararen erabileran sustatzeko tresnak.


Iñaki Eizmendi Ebete Elkartearen arduraduna da, eta ikastaro honetan helburu nagusi batekin lan egingo dugu: irakasleen esku jartzea gazteen euskararen erabileran eragiteko zenbait estrategia eta tresna.


Ikastaroak izaera praktikoa du, oinarri batzuk lantzen dira eta horri begira hainbat estrategia eta tresna aurkezten dira eta frogatzen dira.

2014(e)ko ekaina 30, astelehena

2014(e)ko ekaina 21, larunbata

Ahozko adierazpena era poetikoan

Komunikazio konpetentzia garatzeko mintzamena lantzea ezinbestekoa dela argia dago. 3D1ko ikasleek Literatura generoak ikastearekin batera, ikaskideen aurrean ahozko adierazpena trebatzeko aukera ederra izan dute. Bideo honetan ikusi ahal da egindako lanaren froga txiki bat.








2014(e)ko ekaina 19, osteguna

IPUINGINTZA SAIOA JR JIMEMEZ ESKOLAN


Urte hau nire lehenengo urtea izan da ipuingintza taldean. Ipuingintzan ipuin bat sortzen dugu 4 eta 5 urtetako umeentzako eta gero antzezten dugu. Oso ondo pasatu dugu ipuina sortzen, Gozokilandia izenekoa. 
Gure irakaslea,Iraide, oso atsegina da esta horrek dena errazten du. Bost alditan antzeztu dugu ipuina: Munoa, Juan Ramon Jiménez, Ibaibe ikastetxetetan, Gurutzetako jaietan eta Alkartu ikastetxearen ondoan. Ipuina antzetean ume baten irribarrea ikustea sari hoberena da. 
 Irene Orol


2014(e)ko ekaina 9, astelehena

ZIENTZIA AZOKA

Batxilergoko 1BD1 taldeak, Elhuyar fundazioak antolatutako Zientzia Azoka ekimenean parte hartu du Ainhoa Lopez irakaslearekin alternatiba orduan. Gazteek garatutako proiektuen azoka da Zientzia Azoka. Bi eta lau kidez osatutako 5 taldek parte hartu dute, beraiek aukeratutako gaiaren inguruan lanean: galdetzen, ikertzen, eraikitzen eta ondorioak ateratzen. Horretarako Elhuyar-i esker, ikertzaile profesionalak bisitatu dituzte beraien lantokian eta lana bideratzeko ideiak hartu dituzte, beraien mundua nolakoa den hobeto ezagutzeaz aparte. Parte hartzaile bakoitzak bere bloga izan du eta bertan beraien lan prozesuaren berri eman dute: ein den erronka, zein metodologia jarraituko duten eta azkenik, garatutako txostena. Zientzia Azokako azken fasea, azoka bera izan da. Bilboko Plaza Berrian maiatzaren 24an antolatu zena. Bertan HAMEN ZIENTZIALARIAK taldeko Anne San Roman eta Egoitz Arriola egon ziren. Goizeko 9:30etan standa prestatzen hasi ziren eta 13:30ak arte jendeari beraien proiektuaren berri eman zioten. Diploma jaso zuten eta gainera, parte hartzaile guztien artean egin zen sarien zozketan, Donostiako Ulia Parkean bisita gidatua tokatu zitzaien taldekide guztiei. Beraz, taldeko Mariam Ali-k eta Nerea Aparicio-k, azokara ezin izan ziren joan arren, saria izango dute!

2014(e)ko ekaina 4, asteazkena

KOMIKI LEHIAKETA - Sariak (4. MAILA)

Maiatzaren 30ean komiki lehiaketaren sari banaketa izan genuen. 278 ikasle parte hartu dute ekimen honetan, eta epaimahaikideek egin duten balorazioa oso baikorra izan da. Hauek dira 4. mailan saria jaso dutenak: 1. SAILKATUAK: JULEN, MAITE, AITOR eta IRATI (4D1) 2. SAILKATUAK: NAIARA, NEREA eta ESTIZEN (4D2)

KOMIKI LEHIAKETA - Sariak (3. maila)

Maiatzaren 30ean komiki lehiaketaren sari banaketa izan genuen. 278 ikasle parte hartu dute ekimen honetan, eta epaimahaikideek egin duten balorazioa oso baikorra izan da. Hauek dira 3. mailan saria jaso dutenak: 1. SAILKATUAK: NAGORE, MARIA, MAITANE eta ANDONI F. (3D1) 2. SAILKATUAK: ADRIAN, UNAI, JESSICA, ANDONI G. eta LORENA (3D1)

KOMIKI LEHIAKETA - Sariak (1. ETA 2. MAILA)

Maiatzaren 30ean komiki lehiaketaren sari banaketa izan genuen. 278 ikasle parte hartu dute ekimen honetan, eta epaimahaikideek egin duten balorazioa oso baikorra izan da. Hona hemen saritutako lanak ikusgai: 1. eta 2. mailan berdinketa bat emon zen bi talde artean. Hauek dira beraien lanak: IRAIA ETA FATIMA (1D2) KEPA ETA ENEKO (1D2)

2014(e)ko maiatza 10, larunbata

BIKOTEKA IRAKURTZEN gure ikasgeletan

Formakuntza Proiektuari dagokionez, Bikoteka Irakurtzen programa garatu dugu ikasturte honetan.

Durante el este curso 2013-2014 hemos puesto en marcha el programa de acción tutorial denominado BIKOTEKA IRAKURTZEN gestionado por el GRAI
En el primer trimestre las profesoras implicadas han recibido formación sobre los objetivos básicos del programa y sobre la propuesta metodológica del aprendizaje entre iguales en el berritzegune zonal.
En enero se realizaron sesiones formativas para alumnado y familias. Desde finales de enero hasta mediados de mayo se han desarrollado las sesiones prácticas tanto en aula como en casa.
Este programa se propone mejorar la competencia lectora, un elemento clave para el éxito escolar del alumnado. Las actividades (lectura en pareja y comprensión lectora) están diseñadas con esquema fijo y permiten, cuando la pareja se ha familiarizado, un uso progresivo más ajustado y creativo.
Un componente fundamental  del programa es el apoyo familiar a la lectura. La investigación científica ha fundamentado suficientemente la influencia que tiene la implicación activa de las familias sobre el éxito escolar de sus hijos e hijas.  Cuando las familias participan activamente en el centro escolar, sus hijos incrementan el rendimiento académico y, además, el centro mejora la calidad de enseñanza.
El programa Bikoteka Irakurtzen promueve la participación de la familia: ofrece a las familias la posibilidad de dar apoyo en las tareas escolares desde casa.

Hemen ikus dezakezue momentuz egindakoaren lanaren laburpen grafikoa.
MILA ESKER ZUEN LAGUNTZAGATIK!

2014(e)ko apirila 8, asteartea

IrAkUrBeNtUrA,bihotzez ikasten

Apirilaren 7an berriro DBH 2Bko ikasleak joan ginen Arteagabeitia ikastetxera, Irakurbentura proiektuari zegokion bigarren topaketa burutzeko asmoz.
Topaketa honetan bi ipuin lantzea zen helburua.
Lehenengo ipuinak satortxo baten gorabeharak aztertzen ditu, eta, umeei irakurri ostean, irudiak eta izenak parekatzeko ariketa baten bidez mintzamena garatu genuen.
Jarraian, hiru txerritxo etxegileei gertatutakoa kontatu ondoren, taldeko liburuxka ekoiztea proposatu genien.
Horra hor elkarlana: guztion artean gertaerak ordenatu, margotu, izenburua txukundu, irudiak orrialdetan egokitu eta irudi  bakoitzari azalpena gehitu patzientza handiz, gurasoek gero irakur dezaten.

 

2014(e)ko martxoa 23, igandea

Latindar Literatura, buru-mapak eta AulaBlog

Pasa den astean aulablog irakasle-taldeak formazio saioa garatu zuen.
Saio honetan 2.batxilergoko  Yurena Román  eta Izaskun Martinez ikasleek  parte hartu zuten.
Helburua zen  latindar lirikari buruzko buru-mapak egiteko prozedura azaldu eta baloratzea. Gure ikasleek eredu ona emanda,  spicynodes aplikazioa garatzeari ekin genion.


2014(e)ko martxoa 4, asteartea

NANOGUNEA, SAN TELMO eta ZIENTZIA MUSEOA egun batean

Fisika et Kimika Mintegiak Batxilergoko ikasleekin Donostian jarduera osagarri hau egiteko egin zuen proposamena,.
Haien programa zehatza zen. Lehenengo orduan Nangogunea bisitatu eta, handik atera bezain pronto,  Zientzia Museora igo elektrizitateari dagokion tailera eta bisita gidatua egiteko asmoz.
Latin ikasgaia lantzen dutenei proposamena luzatu zitzaien aldaketa batekin,  lehenego orduan San Telmo Museoan irreki berria zen erakusketa bisitatzea.
Letretakoen eta zientzietakoen arteko betiko banaketa elkarlanaren bidez konpodu omen da.

2014(e)ko otsaila 11, asteartea

D.B.H 4 mailako teknologiako ikasleak "El Pobaleko" burdinolan.

Otailaren 7an 4. mailako teknologiako ikasleak "el Pobaleko" burdinola bisitatzera joan ziren.Bisitarekin batera "Euskera Landuz" tailerra egin zuten, Teknologia ikasgaia eta Hizkuntz Normalkuntza proiektua bateratuz.

2014(e)ko otsaila 4, asteartea

KIMIKA BIZIRIK DBH 4 mailakoak

Urtarrilaren 21ean DBHko 4 mailako Fisika eta Kimikako zortzi ikasle joan ginen Leioan dagoen Zientzia Fakultatera. Hantxe zenbait saiakuntza burutu genuen, nylona fabrikatu genuen besteak beste, eta baita detektibe kimikoaren lana ezagutu ere.

ANTZERKI HIZKUNTZA

2014(e)ko urtarrila 15, asteazkena

KIMIKA BIZIRIK

KIMIKA BIZIRIK
Gaur goizean batxilergoko bigarren mailako zientzietako ikasleok EHUn egon gara, zientzia eta teknologia fakultatean. “Kimika bizirik” proiektuan parte hartu dugu, helburutzat zientziarekiko interesa sustatzea daukana. Jarduera hauek egitea oso interesgarria iruditzen zait gure etorkizunean bideratzeko laguntzen baikaituzte. Gainera irteera hau gogorarazi digu kimika ez dela bakarrik problemak eta ekuazioak paper batean egitea, klasean ohituta gauden bezala, kimika laborategian lantzea askoz dibertigarriagoa eta adierazgarriagoa da, gauzen zergatiak ikusi eta ulertzeko.
Laborategian 4 orduz egon gara praktikak egiten, batzuk guretzat berriak eta ikusgarriak izan direnak, beste batzuk klasean ikusita genituen. Esaterako nitrogeno likidoarekin egindakoa duela bi urte institutuan egin ziguten, baina hain ikusgarria denez gero lehen aldiz ikusi genuen beste gustatu zaigu. Oso eramangarria izan den beste bat nylonarena izan da. Nylonezko zuntzak lortu ditugu hexametilen-diaminaz eta sebakoilo kloruroz abiatuz. Txanpon batzuk kolorez aldatu ditugu NaOH eta zinkaren laguntzaz eta kromatologiaren inguruan esperimentu batzuetan aritu gara.
Atsedenerako tarte bat utzi digute non argazkiak eta tortilla pintxoa ez dira falta izan!

 Karmele Álava  2D1eko ikaslea